Azərbaycan, Bakı, 01 aprel / Trend , müxbir S. Babayeva /
Azərbaycanın Standartlaşdırma, Metrologiya və Patent üzrə Dövlət Komitəsi ölkə ərazisində sertifikatlaşdırma orqanı olan "Det Norske Veritas" şirkətinin fəaliyyətini qanunsuz adlandırıb. Bu barədə Dövlət Komitəsindən bildirilib.
"Bu qərar şirkətin fəaliyyətində aşkar olunmuş nöqsanlar, xüsusilə ISO 9001-2000 standartı tələblərinin pozulması, rəhbərliyin beynəlxalq və milli sertifikasiya sistemi üzrə sənədlərə malik olmaması səbəbindən qəbul edilib", - deyə Dövlət Komitəsinin məlumatında deyilib.
Azərbaycanın Standartlaşdırma, Metrologiya və Patent üzrə Dövlət Agentliyi İcra Hakimiyyətinin standartlaşdırma, metrologiya, sertifikatlaşdırma və sənaye mülkiyyəti üzrə obyektlərinin mühafizəsi sahələrində dövlət siyasətinin formalaşdırılması və aparılması üzrə mərkəzi orqanıdır.
Məqalə müəllifi ilə əlaqə ünvanı: [email protected]
