Gürcüstan, Tbilisi, 02 aprel / Trend , müxbir N.Kirtsxaliya /
Bu gün Gürcüstanın iqtisadiyyat naziri Laşa Jvaniya brifinqdə bildirib ki, misirli biznesmen İbrahim Xəlili Gürcüstanda 1,3 milyard dollarlıq sərmayə yatırımını gerçəkləşdirmək niyyətindədir.
"Belə bir layihə Gürcüstanda hələ həyata keçirilməyib", - Jvaniya qeyd edib.
Onun sözlərinə əsasən, Misirdə doqquz elektrik və məişət texnikası istehsal edən zavod Xəlilə məxsusdur.
"O, "Freş" şirkətinin sahibidir və Kutaisidə də zavod sahibi olmaq istəyir. Xəlil aprelin 4-də Tbilisiyə səfərə gələcək və aprelin 6-nadək müzakirələr aparacaq", - Jvaniya qeyd edib.
"Aprelin 8-də Gürcüstan prezidenti Kutaisidə "Freş" firmasının 12 zavodun tikintisinin açılış mərasimində iştirak edəcək ", - Jvaniya deyib.
Onun sözlərinə görə "Freş" şirkəti ötən il öz məhsullarını 52 ölkəyə ixzrac edib və 1,95 milyard dollar təmiz gəlir əldə edib.
"Bu, sərmayə ilə yanaşı, həm də əlavə büdcə gəlirləri və yeni iş yerləri deməkdir. İlkin mərhələdə 2500 adam işlə təmin olunacaq. Zavodlar fəaliyyətə başladıqda isə iş yerlərinin sayı 12-15 minə çatacaq", - Jvaniya əlavə edib.
Məqalə müəllifi ilə əlaqə ünvanı: [email protected]
