...

Azərbaycan Standartlaşdırma, Metrologiya və Patent üzrə Dövlət Komitəsi yeddi müəssisədə istehsala qadağa qoyub

Biznes və iqtisadiyyat xəbərləri Materials 6 Aprel 2009 16:08 (UTC +04:00)

Azərbaycan, Bakı, 06 aprel / Trend , müxbir S.Babayeva /

Dövlət Komitəsindən verilən məlumata əsasən, mart ayı ərzində Azərbaycan Standartlaşdırma, Metrologiya və Patent üzrə Dövlət Komitəsi 20 təsərrüfat subyektlərində monitorinq keçirib.

"Monitorinqlərin məqsədi istehlakçıların hüquq və maraqlarının müdafiəsi, metroloji normaların pozulmasının qarşısının alınması, istehsal edilən məhsulun keyfiyyətinin insan həyatı və sağlamlığı üçün təhlükəli olmamasından ibarətdir", - komitənin məlumatında qeyd olunur.

Çatışmazlıqların aradan qaldırılması üçün müəssisə rəhbərlərinə 9 tələbnamə, 4 min manat məbləğində məhsulun partiyasının qadağan edilməsi ilə bağlı 25 məktub təqdim edilib və antisanitariya hökm sürən yeddi müəssisədə məhsul istehsalı və satışı qadağan edilib. Bunlar şirniyyat, süd məhsulları və şəkər istehsal edən müəssisələrdir.

Monitorinqlər davam edir.

Azərbaycan Standartlaşdırma, Metrologiya və Patent üzrə Dövlət Komitəsi standartlaşdırma, metrologiya, sertifikasiya və sənaye sahəsində obyektlərin mühafizəsi ilə bağlı dövlət siyasətini formalaşdıran və həyata keçirən İcra Hakimiyyətinin mərkəzi orqanıdır.

Məqalə müəllifi ilə əlaqə ünvanı: [email protected]

Xəbər lenti

Xəbər lenti