Azərbaycan sığortaçıları qiymət dempinqinə getməməlidirlər – Assosiasiya rəhbəri

Azərbaycan, Bakı, 17 aprel / Trend müxbir Ü.İsmayılova/

"Azərbaycan sığortaçıları antiböhran tədbirləri çərçivəsində qiymət dempinqinə getməməlidirlər", - Azərbaycan Sığortaçıları Assosiasiyasının başçısı Cəmil Məlikov hesab edir.

"Şirkətlər bazardakı qiymətləri azaltmağa başlayarsa, bu, ciddi maliyyə zərərlərinə gətirib çıxara bilər", - MBASK sığorta şirkətinin idarə heyətinin sədri olan Məlikov deyib.

Onun sözlərinə görə, bir sıra şirkətlərin hazırda bir neçə illiyə imzalanmış sığorta polisləri var və onlar ən azı iki-üç il ərzində sığorta hadisələri gətirəcək. "Həqiqi daxilolmalar isə getdikcə ən azından bu ilin sonuna qədər azalmaqda davam edəcək", - Məlikov hesab edir.

Azərbaycanda 28 sığorta və bir təkrar sığorta şirkəti fəaliyyət göstərir. Yanvarın yekunlarına əsasən, şirkətlər ümumilikdə 18,89 milyon manat həcmində yığım toplayıb. Ödəmələr isə 3,03 milyon manat təşkil edib.