Azərbaycan, Bakı, 01 may / Trend , müxbir İ.Xəlilova /
Azərbaycanda iri vergi ödəyicilərinin vergi borcları ötən ilin əvvəlləri ilə müqayisədə stabilləşib və onların borclarının ümumi həcmi 1,3 milyard manat təşkil edir. Bu barədə vergilər nazirinin müavini Sahir Məmmədxanov deyib.
"Borclar əsasən səkkiz iri vergi ödəyicilərinin payına düşür. Özəl sektorda praktiki olaraq borc yoxdur", - Məmmədxanov qeyd edib.
Onun sözlərinə əsasən, yanacaq-energetika sektorunda vergi borcları elektrik enerjisi ("Azərenerji") və qaz ("Azəriqaz") sahəsində qalıb ki, bu da bir milyard manat təşkil edir. SOCAR tamamilə vergi borclarını ödəyib və 2008-ci ildə şirkətin borcu olmayıb.
Azərbaycanda on iri vergi ödəyicisi fəaliyyət göstərir: SOCAR, "Azərenerji", "Azəriqaz", Rabitə və İnformasiya Texnologiyaları Nazirliyi, "Kaspar", "Azərkimya", Bakı metropoliteni, Azərbaycan Dövlət Dəmiryol İdarəsi, AZAL və "Azərsu".
Mayın 01-nə olan rəsmi məzənnə 0,8035 AZN/USD təşkil edir.
Məqalə müəllifi ilə əlaqə ünvanı: [email protected]