Azərbaycan, Bakı, 04 may / Trend , müxbir Ü.İsmayılova /
"Azərbaycanın Əhalinin Dövlət Sosial Müdafiəsi Fondu (DSMF) 2009-cu ilin sonuna qədər dəyəri 11 milyon dollar olan, BMT inkişaf proqramı (UNDP) ilə birgə layihənin sonuncu (beşinci) mərhələsini başa çatdırmaq niyyətindədir", - bazar ertəsi sosial fondun başçısı Səlim Müslümov layihənin təqdimetmə mərasiminə həsr olunmuş mətbuat konfransında deyib. Layihənin ümumi dəyərindən 9 milyon dolları fondun, 2 milyonu isə UNDP-nin payına düşür.
"Layihə Azərbaycanda pensiya sisteminin idarə edilməsinin tam avtomatlaşdırılmasını nəzərdə tutur. O, məcburi sosial sığorta ödəyicilərinin hər biri haqda tam informasiyanın əldə olunmasından sonra başa çatacaq. Hazırda fondda iş zamanı avtomatlaşdırma 82,2 faizə çatdırılıb", - Müslümov deyib.
Onun sözlərinə görə, layihə çərçivəsində 1 yanvar 2006-cı ildən etibarən pensiyaya çıxmış vətəndaşlar üçün məlumatlar bazasının avtomatlaşdırılması aparılır. Layihənin realizəsinin başa çatmasından sonra fond hər bir sosial sığorta ödəyicisini onun fərdi hesabı və orada yığılmış məbləğin həcmi haqda məlumatlandıracaq.
Layihənin əsas komponentləri idarəetmənin avtomatlaşdırılmış sisteminin hazırlanması və tətbiqi, mərkəzləşdirilmiş arxiv sisteminin yaradılması, prosessinq mərkəzinin, regional təlim mərkəzinin, ehtiyat server mərkəzinin yaradılması və s.-dir.
Layihənin realizəsinə 2003-cü ildə başlanılıb. Layihənin birinci mərhələsi 2003-cü ilin sentyabrı ilə 2004-cü ilin iyununu əhatə edib (birinci mərhələnin dəyəri 700 min dollar olub ki, 400 min dolları fondun payına düşüb). Sonrakı mərhələlər belə bölünüb: ikinci - 2004 iyul - 2005 iyun (1,45 min dollar, fond - 950 min dollar), üçüncü - 2005 iyul - 2006 iyun (2,1 min dollar, fond - 1,4 min dollar), dördüncü - 2006 iyul - 2007 avqust (3,4 min dollar, fond - təxminən 3 min dollar), beşinci mərhələ - 2008 sentyabr - 20009 dekabr (3,58 min dollar, fond 3,5 min dollar).
Məqalə müəllifi ilə əlaqə ünvanı: [email protected]
