...

Azərbaycanın maliyyə naziri Yaxın Şərq üzrə Ümumdünya İqtisadi Forumunda iştirak edəcək

Biznes və iqtisadiyyat xəbərləri Materials 10 May 2009 14:23 (UTC +04:00)

Trend-i buradan izləyin

Azərbaycan, Bakı, 10 may / Trend , müxbir N.İsmayılova /

Yaxın Şərq üzrə Ümumdünya İqtisadi Forumunda (ÜİF) iştirak etmək üçün Azərbaycanın maliyyə naziri Samir Şərifov mayın 15-də Əmmana (İordaniya) yola düşəcək. Bu barədə bazar günü maliyyə naziri Şərifov bildirib.

"Mən Prezident İlham Əliyevin göstərişi ilə Yaxın Şərq üzrə forumun işində iştirak edəcəyəm", - deyə naziri bildirib.

Yaxın Şərq üzrə Ümumdünya İqtisadi Forumu dünya iqtisadiyyatının diqqətinin Yaxın Şərq regionuna yönəldilməsi üçün Davosda keçirilən Ümumdünya İqtisadi Forumu çərçivəsində təsis edilib.

ÜİF beynəlxalq qeyri-hökumət təşkilatıdır. ÜİF tarixi 1971-ci ildə başlanıb. O zaman Cenevrədə simpozium keçirilib. Burada Avropanın 450 aparıcı şirkətinin rəhbəri iştirak edib. 1971-ci ildən 1986-cı ilədək təşkilat "Avropa Mmenecment Forumu" adlanıb.

Forumun ilk görüşlərində əsasən rəqabət mübarizəsində Qərbi Avropanın mövqeyinin yaxşılaşdırılması məsələləri müzakirə olunub. İllər ötdükcə forumun mövzuları tədricən genişlənməyə başlayıb və bura siyasi və iqtisadi məsələlər, elmi-texniki tərəqqinin nəticələri, inkişaf etməkdə olan ölkələrin borclanma problemləri daxil edilib. 1970-ci illərin ortalarında Davosa dünyanın nüfuzlu şəxsləri dəvət olunub (hökumət üzvləri və biznes liderləri) və artıq növbəti onillikdə forum ilin əsas məsələlərindən biri statusunu alıb.

ÜİF-in əsas tədbiri hər il keçirilən görüşlərdir, bu görüşlər ənənəvi olaraq yanvarın sonu-fevralın əvvəlində (2001-ci il 11 sentyabr tarixində törədilən teraktdan sonra ABŞ ilə həmrəylik əlaməti olaraq 2002-ci ildə Nyu-Yorkda keçirilən sessiyalar istisna olmaqla) dünyanın məşhur dağ-xizək kurort şəhəri olan Davosda keçirilir.
Hər il dünyanın məşhur kurort şəhərində təşkil olunan görüşlər mühüm siyasi və iqtisadi problemlərin qeyri-rəsmi müzakirələrinin aparılması məqsədi ilə keçirilir. Davos təkcə dünyanın daha nüfuzlu şəxslərini - dövlət və hökumət başçılarını, dünya biznesinin liderlərini, görkəmli alim və iqtisadçılarını bir neçə gün ərzində toplamaqla məşhur deyil. O, həm də siyasi opponentlərə qeyri-rəsmi şəraitdə görüşmə imkanı yaratması səbəbindən cəledicidir.
Davosda aparılan müzakirələr artıq ənənəvi olaraq bir çox hallarda iqtisadiyyat ilinin problematikasını müəyyən edir. ÜİF-in hər il Davosda keçirilən sessiyalarının ən mötəbəri 2009-cu ilin yanvarında təşkil olunub. Çünki bu sessiyalar zamanı dünya iqtisadi və maliyyə böhranının aradan qaldırılması məsələləri, həmçinin iqlim dəyişiklikləri ilə bağlı problemlər müzakirə olunub. Görüşdə misilsiz sayda dövlət və hökumət rəhbərləri iştirak edib.
ÜİF-in əsas iş forması ən müxtəlif mövzularda seminarların keçirilməsidir. Davos görüşləri çərçivəsində təqribən 300 plenar iclas, seminar və dəyirmi masalar, həmçinin "yüksək səviyyəli mini-görüşlər" keçirilir. Protokollar yoxdur, çıxışlar rəsmən qeydə alınmır, yekun qətnamələr qəbul olunmur.

Davos müşavirələri ilə yanaşı, ÜİF-in Mərkəzi və Şərqi Avropa, Cənub-Şərqi Asiya, Yaxın Şərq və Şimali Afrika üzrə regional sammitləri də keçirilir.

Məqalə müəllifi ilə əlaqə üvnanı: [email protected]

Xəbər lenti

Xəbər lenti