"The Economist" jurnalının bu ilin aprelində apardığı tədqiqatlara əsasən, İranın xarici borcu ötənilki 21,6 milyard dollar səviyyəsindən bu il 18,9 mlrd dollara düşəcək. "Bu azalma ÜDM-in 4,9 faizini təşkil edir", - İranın xəbər kanalı məlumat verib.
Jurnalın hesablamalarına görə, İranın bu borcu getdikcə daha da azalmağa başlayacaq. Belə olan təqdirdə 2009-cu ilin sonunda İranın xarici borcu 18,9 milyard dollar, 2010-cu ildə isə 18,4 milyard dollara düşəcək. Bu ÜDM-in müvafiq olaraq 4,5 və 4,2 faizini təşkil edəcək.
Jurnalın məlumatına görə, 2011-2012-ci illərdə borc 18,3 milyard dollara düşəcək.
İran Mərkəzi Bankının statistikasına əsasən, 2008-ci ilin sonunda İranın xarici borcu 22,7 milyard dollar təşkil edib. 2009-cu il yanvarın sonunda bu rəqəm 21,723 milyard dollar olub. Bunlardan 15,405 milyard dolları uzunmüddətli, 6,318 milyard dolları isə qısamüddətli borclardır.