Azərbaycan, Bakı, 18 may / Trend , Ü.İsmayılova /
Azərbaycan Prezidenti İlham Əliyev ölkənin İnzibati Xətalar Məcəlləsinə əlavə və dəyişikliklərin edilməsi üzrə Qanunu təsdiq edib. Bu barədə rəsmi mətbuatda məlumat verilib.
Dəyişikliklərə əsasən, izibati xətanın bilavasitə obyekti olmuş malların müsadirəsi zamanı tətbiq olunan cərimə məbləği hazırkı 1,65 min manatdan 2,2 min manatadək artırılıb.
Müvafiq metroloji nəzarət həyata keçirən dövlət orqanları əməkdaşlarının hüquqlarını pozan fiziki şəxslər üçün cərimə məbləği hazırkı 500 manatdan 600 manata, hüquqi şəxslər üçün hazırkı üç min manatdan dörd min manatadək artırılıb.
İstehlakçıların hüquqlarının müdafiəsini həyata keçirən dövlət orqanlarının hüquqlarını pozan fiziki şəxslər üçün cərimə məbləği 500 manatdan 600 manata, hüquqi şəxslər üçün üç min manatdan dörpd min manatadək artırılb.
Qanun imzalandığı 28 aprel tarixindən qüvvəyə minib.
Məqalə müəllifi ilə əlaqə ünvanı: [email protected]
