Azərbaycan, Bakı, 22 may / Trend , müzbir Ü.İsmayılova /
Azərbaycan Mərkəzi Bankının qərarı ilə uçot dərcəsinin 2%-dək azaldılması dünya maliyyə böhranı təsirinin minimuma endirilməsi baxımından məqsədəuyğun sayılır. Texnikabank-ın Müşahidə Şurasının sədri Etibar Əliyev deyib.
"Azərbaycan dünya iqtisadiyyatına fəal inteqrasiya edən ölkədir və bu səbəbdən böhranın iqtisadiyyata təsiri mümkündür", - Əliyev qeyd edib.
Onun sözlərinə əsasən, Mərkəzi Bankın qərarı Texnikabank-ın kredit siyasəti və faiz dərəcələrinə təsir edəcək. Azalmanın dəqiq rəqəmini Əliyev bildirmədi.
Mərkəzi Bank mayın 25-dən etibarən uçot dərəcəsini 1% endirərək 2% həddində saxladı. Faiz dəhlizinin yuxarı həddi 8%-dən 7%-dək endirilib.
1993-ci ildə təsis olunmuş Texnikabank ASC Azərbaycanın 5 aparıcı banklarından biridir. Aprelin 1-nə olan nəticələrə əsasən, bankın aktivləri ötən ilin analoji dövrü ilə müqayisədə 22,1% artaraq 431,5 milyon manat təşkil edib. Bankın ümumi kapitalı 40,3% artaraq 57,8 milyon manat təşkil edib. Texnikabanın kredit portfeli 27,2% artaraq 334,8 milyon manat təşkil edib.
Məqalə müəllifi ilə əlaqə ünvanı: [email protected]