Azərbaycan, Bakı, 26 may / Trend , müxbir S.Babayeva /
İyunun 2-5-də Bakıda keçiriləcək "Nəqliyyat, Tranzit və Logistika" TRANSCASPIAN 2009 səkkizinci beynəlxalq sərgisində yeddi ölkədən 37 şirkət iştirak edəcək", - Iteca Caspian-ın sərgi üzrə menceri Tofiq Kərimov deyib.
"Bu ölkələrin arasında Rusiya, Qazaxıstan, Ukrayna var. Müsbət fakt odur ki, bu il yerli şirkətlərin faizi çoxluq təşkil edəcək", - Kərimpv bildirib.
Onun sözlərinə görə, bu il TransCaspian sərgisinin iştirakçılarının istəyini, təqdim olunan sektorların bir sırasının yaxınlığını nəzərə alaraq, həmçinin onların iştirakının artırmaq məqsədilə sərginin keçirilməsi vaxtı "Neft və qaz, neft emalı və Xəzərin neft-kimyası" Caspian Oil and Gas sərgisi ilə uzlaşdırılıb.
Sərginin əsas bölmələri aşağıdakılardır: avtonəqliyyat, neft nəqli /boru kəmərləri, dəmir yolu nəqliyyatı, gəmiqayırma, ekspeditorlar, dəniz nəqliyyatı, logistika, dəmir yolu avadanlığı, gömrük xidmətləri, yüklərin sığortalanması, yol-tikinti texnikası, yükləmə-boşaltma avadanlığı və s.
Sərgiyə rəsmi dəstəyi Azərbaycan Nəqliyyat Nazirliyi, TRACECA, Ticarət Sənaye Palatası və Azərbaycanın İxracın və İnvestisiyaların Təşviqi Fondu göstərir.
Məqalə müəllifi ilə əlaqə ünvanı: [email protected]
