Azərbaycan, Bakı, 17 iyun / Trend , müxbir N.İsmayılova /
"Azərbaycan Mərkəzi Bankının (AMB) açıqladığı ödəmə balansına əsasən, 2009-cu ilin birinci rübünün yekunlarına görə, özəl sektora cəlb edilmiş birbaşa dövlət və dövlət təminatlı kreditlərin, eləcə də sərmayə formasında digər kapital qoyuluşunun xüsusi çəkisi xarici sərmayələrin ümumi həcminin 29,7 faizini təşkil edib", - çərşənbə günü AMB-dən deyilib. Onların ümumi həcmi 321,5 milyon dollar təşkil edib ki, bu da ötən ilin analoji dövründəki göstəricidən 2,4 dəfə azdır.
Cəlb edilmiş birbaşa dövlət və dövlət təminatlı kreditlərin payı 27 faiz (86,8 milyon dollar) təşkil edib. Təminat verilməmiş kreditlərin payına 127,8 milyon dollar düşür. Onlardan 26,3 milyon dolları beynəlxalq maliyyə təşkilatlarının beynəlxalq neft-qaz müqavilələri çərçivəsində işlərin maliyyələşdirilməsi üçün cəlb etdiyi borcların payına düşür. Bu vəsaitlər SOCAR-ın Gürcüstan və Türkiyədəki enerji resursları layihələrinin maliyyələşdirilməsinə yönəldilib.
Təminat verilməmiş kreditlərin 84 milyon dolları banklar, 17,5 milyon dolları müəssisə və firmalar tərəfindən cəlb edilib.
Məqalə müəllifi ilə əlaqə ünvanı: [email protected]