Azərbaycan, Bakı, 17 iyun / Trend /
Yanvar-aprel aylarında Azərbaycana 21,9 min avtomobil idxal edilib ki, bu da ötən ilin göstəricisindən 2,8 faiz azdır. Bu barədə Dövlət Statistika Komitəsindən bildirilib.
Dövlət Statistika Komitəsinin məlumatına əsasən, yanvar-aprel aylarında gətirilmiş avtomobillərin ümumi məbləği 142 milyon dollar təşkil edib ki, bu da ötən ilin göstəricisindən 11,5 faiz azdır.
Yanvar-aprel aylarında Azərbaycana üç min yük avtomobili idxal edilib ki, bu da ötən ilin göstəricisindən 5,3 faiz azdır. Gətirilmiş avtomobillərin ümumi məbləği 37 milyon dollar olub ki, bu da ötən ilin göstəricisindən 20,8 faiz azdır.
Yanvar-aprel aylarında respublikaya 250 avtobus idxal edilib. Bu, ötən ilin göstəricisindən 54,4 faiz aşağıdır. Bu dövr ərzində idxal olunan avtobusların ümumi məbləği 12,5 milyon dollar təşkil edib ki, bu da ötən ilin göstəricisindən 28,3 faiz aşağıdır.
