Azərbaycan, Bakı, 16 iyul / Trend , müxbir Ü.İsmayılova /
Azərbaycanda cəmi 100 haldan səkkizində istehlakçı hüquqları gözlənilir. Bu barədə Azad İstehlakçılar Birliyinin (AİB) başçısı Eyyub Hüseynov cümə axşamı mətbuat konfransında bildirib.
"Qalan bütün hallarda əhali müntəzəm olaraq istehlakçı hüquqlarının pozulması ilə üzləşir", - deyə Hüseynov bildirib.
Onun sözlərinə görə, pozuntu hallarının böyük əksəriyyəti spirtli içkilər bazarında qeydə alınıb.
"Bazarın bu seqmenti pozuntu hallarının həcmi üzrə liderlik edir, belə ki, satılan spirtli içkilərin böyük əksəriyyətində istehsal tarixi göstərilməyib", - deyə Hüseynov bildirib.
Birliyin başçısının fikrincə, arağı bir ilə kimi, şərabın bəzi növlərini altı aya kimi saxlamaq olar. İstifadə müddəti bitdikdən sonra bu içkilər sağlamlıq üçün təhlükə yaradır, belə ki, onların tərkibində ağır metallar və digər zərərli maddələr var.
Hüseynovun sözlərinə əsasən, pozuntu halları səviyyəsi üzrə kinci yerdə sərinləşdirici içkilərdir ki, burada da pozuntu halları 40 faiz təşkil edir. Üçüncü yerdə süd və süd məhsullarıdır (50 faiz). Süd məhsullarının tərkibinin təbii olmadığı və çox vaxt quru süddən hazırlandığı üçün pozuntu halları müşahidə edilir.
Məqalə müəllifi ilə əlaqə ünvanı: [email protected]
