Azərbaycan, Bakı, 18 iyul / Trend /
Azərbaycan bankı Beynəlxalq Bankın törəmə strukturu "ABB-Moskva" iyulun 9-dan etibarən yeni əmanət növünü -"Elit"i təqdim edib. Bu barədə bankın məlumatında deyilir.
Əmanət üzrə faiz dərəcələri rus rublu ilə 17 faiz, dollar ilə 13 faiz, avro ilə isə 12 faizdir. Əmanətin müddəti 12 aydır.
Əmanətin minimum məbləği 15 milyon rubl, 500 min dollar, 500 min avro təşkil edir. Faizlərin ödənilməsi hər rübdə keçirilir.
Əmanətçi Visa Platinum bank kartının əmanət müddətində illik xidmət üçün ödəmə olmadan, Visa Gold/MasterCard Gold kartlarını isə ilkin ödəmə və illik xidmət ödəməsi olmadan əmanət valyutasında qeydiyyata salmaq hüququna malikdir.
"ABB-Moskva" Beynəlxalq Bankın 100 faizli Azərbaycan kapitalı ilə Rusiya ərazisində ilk və yeganə bank kimi fəaliyyət göstərən törəmə strukturudur.
