Azərbaycan, Bakı, 11 avqust / Trend , müxbir N.İsmayılova /
Azərbaycanın böyük sığorta şirkətlərindən biri - MBASK, şirkətin İdarə Heyətinin strukturunun dəyişdirilməsi üzrə müzakirə aparılması üçün səhmdarların növbədənkənar iclasının keçirilmə tarixini avqustun 10-dan sentyabrın 10-a dəyişib, bu barədə şirkətin məlumatında deyilir.
Şirkətin yenidən strukturlaşdırılması 2009-cu ildə anti-böhran tədbirləri çərçivəsində həyata keçirilir. Növbədənkənar iclas zamanı İdarə Heyətinin, Direktorlar Şurasının tərkibinin dəyişdirilməsi, Direktorlar Şurası sədrinin əmək haqqının təsdiqlənməsi, aktivlərin yenidən strukturlaşdırılması və nizamnamə kapitalının artırılması məsələləri müzakirə ediləcək.
Azərbaycanın sığorta bazarında 1992-ci ildən fəaliyyət gösətərn MBASK SŞ sığortanın 29 növü üzrə xidmət göstərir ki, onlardan da dördü icbaridir. Şirkətin nizamnamə kapitalı iki milyon manat təşkil edir. MBASK şirkətinin səhmlərinin 30 faizi 2005-ci ilin yanvarından Avropa Yenidənqurma və İnkişaf Bankına məxsusdur.
Məqalə müəllifi ilə əlaqə ünvanı: [email protected]
