Azərbaycan, Bakı, 14 avqust / Trend , müxbir E.İsmayılov /
Bakı-Rostov dəmiryolunda partlayış təhlükəsi səbəbindən Rusiya ərazisində saxlanılan qatarlardan ikincisi Tümən istiqamətindəki hərəkətini bərpa edib. Bu barədə cümə günü "Azərbaycan Dəmir Yolları" QSC-nin mətbuat xidmətinin rəhbəri Nadir Əzməmmədov deyib. Birinci Tümən-Bakı qatarının hərəkəti bir qədər əvvəl bərpa edilmişdi.
"İkinci Bakı-Tümən qatarı da öz hərəkətini bərpa edib", - Əzməmmədov bildirib.
Bir müddət əvvəl Əzməmmədov demişdi ki, Bakıya yerli vaxtla 17:10-da gəlməli olan qatar beş saat gecikəcək.
Bir müddət əvvəl Rusiya KİV-i məlumat verib ki, ölkənin xüsusi xidmət orqanları Rostov-Bakı dəmiryol magistralının minalardan təmizləmə işini həyata keçirib. "Azərbaycan Dəmir Yolları"nın hər iki qatarı Dağıstanın Mahaçqala şəhərindən təhlükəsiz uzaqlıqda dayanmışdı. Bu qatarların sərnişinlərinin təhlükəsizliyi təmin edilib. Həmçinin rus tərəfi onlara ərzaq payı da verib.
Məqalə müəllifi ilə əlaqə ünvanı: [email protected]
