...

Azərbaycanda işsizlik il ərzində təxminən üç faiz azalıb

Biznes və iqtisadiyyat xəbərləri Materials 17 Avqust 2009 17:19 (UTC +04:00)

Azərbaycan, Bakı, 17 avqust / Trend , müxbir Ü.İsmayılova /

Azərbaycanda avqustun 1-nə işsizlərin sayı 43747 nəfər təşkil edib ki, bu da ötən ilin analoji dövründən (45028) 28 faiz azdır. İyul ayında isə işsizlik 0,9 faiz azalıb. Bu barədə bazar ertəsi Dövlət Statistika Komitəsindən bildirilib. Ölkədə bir vakant yerə dörd işsiz iddia edir. İşsizlərin ümumi sayının 45,3 faizini qadınlar təşkil edir.

Hesabat dövrü ərzində ölkənin işləyən əhalisi 4066,7 nəfər təşkil edib. 1377,8 min nəfər muzdla işləyir.

İstehsalat sahəsində muzdla işləyənlərin 20 faizi sənaye sahəsində, 4,3 faizi tikinti, 2,8 faizi kənd, meşə və balıçılıq təsərrüfatında çalışır. Xidmət sahəsində işləyənlərin 25,5 faizini təhsil, 19,6 faiz topdan və pərakəndə ticarət, avtomobil, məişət məmulatları və şəxsi istifadə əşyalarının təmiri, 10,1 faiz səhiyyə və sosial xidmət, yeddi faizi nəqliyyat, rabitə, 6,2 faiz kommunal, sosial və xüsusi xidmət sahəsində, beş faiz daşınmaz əmlak və icarə əməliyyatlarında, 4,2 faiz dövlət idarəetməsi və müdafiə sahəsində, 2,6 faizini isə digər sahələrdə çalışanlar təşkil edir.

Yanvar-iyun aylarında iqtisadi fəaliyyətlə məşğul olan əcnəbilərin sayı 5,1 nəfər təşkil edib ki, bunun da 1,4 min nəfəri sənaye, 1,6 min nəfəri tikinti, 0,7 mini əmlak əməliyyatlarında, 0,6 faizi ticarət, 0,4 faizi təhsil, 0,4 faizi isə digər sahələrdə fəaliyyət göstərib.

İşsizlik üzrə yardımın orta məbləği 168,5 manat təşkil edir.

Avqustun 17-nə olan rəsmi məzənnə 0,804 AZN/USD təşkil edir.

Məqalə müəllifi ilə əlaqə ünvanı: [email protected]

Xəbər lenti

Xəbər lenti