Azərbaycan, Bakı, 19 avqust / Trend , müxbir E.İsmayılov /
İlin sonunadək Bakı metropoliteni "28 may" stansiyasında Salatın Əsgərova küçəsinə çıxan əlavə çıxışı istifadəyə verməyi planlaşdırır. Bu barədə çərşənbə günü metropolitendəki mənbədən məlumat verilib.
"İşlər hazırda davam etdirilir və əlavə çıxışın ilin sonuna istifadəyə verilməsi planlaşdırılır", - mənbədən deyilib.
"28 may" stansiyasının sahəsində Bakı metropoliteninin inzibati binası da tikilir. Binada texnoloji korpus, ATS və Bakı metropoliteninin dispetçer otağı yerləşəcək. Mənbənin sözlərinə görə, binanın əlavə vəsaitin ayrılmasından sonra - gələn ilin sonuna təhvil verilməsi planlaşdırılır. "İşin yekunlaşdırılması üçün əlavə vəsait lazımdır. Vəsait ayrılsa, işlərin gələn ilin sonunadək başa çatdırılması planlaşdırılır", - mənbədən bildirilib.
Metropoliten rəhbəri Tağı Əhmədovun bir müddət əvvəl dediyi kimi, əlavə çıxışın daha dörd stansiyada inşası da planlaşdırılır. "Elmlər Akademiyası", "Sahil", "İçərişəhər" və "Nizami" stansiyalarında da əlavə çıxış planlaşdırılır.
Hazırda "İçərişəhər" stansiyasında ikinci çıxışın layihələndirilməsi yekun mərhələdədir. Layihəyə əsasən, metronun ikinci çıxışı Bakı bulvarında yerləşəcək.
Onun sözlərinə görə, "Nizami" stansiyasının ikinci çıxışı Azərbaycan Akademik Dram Teatrının binası qarşısında, "Sahil" stansiyasının əlavə çıxışı "Nəsimi" heykəli yaxınlığında, "Elmlər Akademiyası"nın ikinci çıxışı isə Bakı Dövlət Universitetinin qarşısında yerləşəcək.
Araşdırmaların başa çatmasına dair layihə hazırlanacaq. Layihə SK C& C Cənubi Koreya konsersumu tərəfindən hazırlanan nəqliyyatın intellektual idarəetməsi sisteminin yaradılması layihəsindən daha geniş ola bilər. Dünya Bankının layihəsinə yeraltı nəqliyyatın (metro), parkinqin və s. bir sıra elementləri daxil ola bilər.
Məqalə müəllifi ilə əlaqə ünvanı: [email protected]
