Gürcüstan, Tbilisi, 31 avqust / Trend , müxbir N.Kirsxaliya /
Bu il Acarıstana səyahət edən Azərbaycan vətəndaşı Ruslan Şabayev 400 000-ci turist olub. Batumi hava limanında onu Acarıstan Muxtar Respublikasının başçısı Levan Varşolamidze qarşılayıb və ona Batumidə inşası başa çatmaq üzrə olan dəbdəbəli "Şeraton" otelində gələn il istirahət etmək üçün priz-paket təqdim edib.
Varşolamidzenin dediyinə görə, artıq bu il muxtar respublikaya 400 000 turist səyahət edib. 2007-ci ilin bu vaxtında isə Acarıstana cəmi 352 min turist səyahət etmişdi. Ötən ilin yay mövsümü isə Gürcüstan-Cənubi Osetiya münaqişəsinə görə sadəcə pozulmuşdu.
"Biz mövsümün sonunadək 100 000 turisin gəlməsini gözləyirik. Bu artım dinamikası bizə imkan verir ki, 2012-ci ildə Acarıstana 2 milyon turistin səyahət edəcəyini iddia edək", - Acarıstan hökumətinin başçısı deyib.
Məqalə müəllifi ilə əlaqə ünvanı: [email protected]
