Azərbaycan, Bakı, 30 sentyabr / Trend , müxbir Ü.İsmayılova/
Bakıda, şəhərin İslam Mədəniyyəti Mərkəzi elan olunması çərçivəsində "Mütəxəssislərin turizmin təbliğində Asiya ölkələrinin mədəni irsinin istifadəsində roluna dair regional görüşü" keçiriləcək, bu barədə çərşənbə günü Azərbaycanın Mədəniyyət və Turizm Nazirliyindən bildirilib.
Sentyabrın 30-dan oktyabrın 2-dək keçiriləcək regional görüş Mədəniyyət və Turizm Nazirliyi və İslam Təşkilatının təhsil, elm və mədəniyyət (İSESKO) işləri üzrə Tehrandakı regional ofisi ilə birgə keçiriləcək.
Görüşün əsas məqsədləri mədəni irs və turizm sahəsində çalışan beynəlxalq və yerli mütəxəssislərin bilik və təcrübələrinin mübadiləsidir.
Görüşdə Azərbaycan, İran, Pakistan, Qazaxıstan, Qırğızıstan, İndoneziya və Malayziyadan olan mütəxəssislər iştirak edəcək.
