Azərbaycan, Bakı, 22 oktyabr / Trend , müxbir Ü.İsmayılova/
Azərbaycanın Dövlət Şəhərsalma və Arxitektura Komitəsi Heydər Əliyev adına Beynəlxalq hava limanı yaxınlığında körpünün - avtomobil yol ötürücüsünün inşası layihəsini bəyənib, bu barədə cümə axşamı Dövlət Komitəsindən bildirilib.
Müzakirələrin yekunlarına əsasən, sifarişçiyə daha optimal seçim üçün anonim rəylər vasitəsilə seçilən layihənin beş variantının təqdim olunması barədə qərar qəbul edilib.
Seçilən layihələri "Azərdövlətlayihə" institutu, "Bakıdövlətlayihə" institutu, memar Cəmilə Axundova, iki layihəni Vüqar Həsənov təqdim edib.
Azərbaycan Nəqliyyat Nazirliyi ilin sonuna kimi Heydər Əliyev adına hava limanı-Mərdəkan qəsəbəsi dairəsi avtomobil yolunun yenidən qurulmasını planlaşdırır, bu barədə əvvəlcə Azərbaycanın nəqliyyat naziri Ziya Məmmədov bildirib.
"Əgər heç bir problem yaranmasa, Mərdəkan dairəsindəki işlərin ilin sonuna kimi ba.a çatdırılması nəzərdə tutulub", - Məmmədov bildirib.
Məmmədov bildirib ki, növbəti mərhələdə Mərdəkan dairəsindəki avtomobil ötürücüsünün inşası və istismara verilməsi, Binə qəsəbəsi dairəsində yeni körpünün inşası planlaşdırılır.
Əvvəlcə Nazirlər Kabineti Heydər Əliyev adına beynəlxalq hava limanı - Mərdəkan dairəsi - Bilgəh istiqamətində (19 km) avtomobil yolunun altızolaqlı olmaqla yenidən qurulması məqsədi ilə dövlət ehtiyacı üçün yol boyunca torpaq sahələri və digər daşınmaz əmlak obyektlərinin (binalar, evlər, tikililər, qurğular və s.) alınması barədə sərəncam verib. Qərar imzalandığı gündən - avqustun 28-dən qüvvəyə minib.
Nazirlər Kabinetinin qərarına əsasən, dövlət ehtiyacı üçün torpaq sahələrinin alınması Azərbaycan Nəqliyyat Nazirliyi tərəfindən həyata keçiriləcək. Torpaqların alınması 2009-cu il aprelin 4-də tətbiq olunmuş dövlət ehtiyacı üçün alınan mülk qiymətlərinin hesablanması qaydası əsasında müəyyənləşdiriləcək qiymətlərə uyğun həyata keçiriləcək.
Məqalə müəllifi ilə əlaqə ünvanı: [email protected]