Azərbaycan, Bakı, 29 oktyabr / Trend , müxbir İ.Xəlilova/
Azərbaycanın ipoteka portfellərinin mühafizəsinin təşkili prosesi "İpoteka istiqrazları haqqında" qanunun qəbulundan sonra başlaya bilər. Bu barədə Beynəlxalq Maliyyə Korporasiyasının (BMK) Mərkəzi Asiya və Azərbaycanda ilkin ipoteka kreditləşməsi bazarının inkişafı üzrə layihəsinin rəhbəri Viktor Mins Trend -a deyib.
"Biz hazırda ipoteka istiqrazlarının buraxılması üçün hüquqi bazanın hazırlanması üzərində işləyirik. Böhran ipoteka istiqrazlarına az təsir etdiyi üçün bu effektiv alət hesab edilir, - Mins deyib. - Bu alət hazırda sürətli inkişaf üçün daha çox şansa malikdir".
Onun fikrincə, mühafizənin təşkil edilməsi ipoteka bazarının inkişafının növbəti mərhələsi ola bilər.
"Böhranın əvvəlində mühafizəsi təşkil edilən bondlar bazarı tamamilə "ölüb", - Mins deyib. - Azərbaycanın ipoteka bazarında mühafizənin təşkilinə başlamaq bu günün məsələsi deyil".
Ümumilikdə, Azərbaycanın ipoteka bazarı Qafqaz və Mərkəzi Asiya ölkələri ilə müqayisədə inkişaf səviyyəsinə görə ön mövqedədir.
Azərbaycan İpoteka Fondu 2005-ci il sentyabr ayında dövlət təşkilatı kimi yaradılıb. 25 mart 2006-cı ildən isə kredit verməyə başlayıb. Hazırda AİF ipoteka xətti ilə ölkədə 132 milyon manatlıq ipoteka krediti verilib. 2005-2009-cu illər ərzində dövlət büdcəsindən alınmış fondun müştərək vəsaitləri 72,4 milyon manata çatıb.
Qanunun inkişaf mərhələsində olmasına baxmayaq, 2009-cu ildə 55 milyon manatlıq ipoteka istiqrazlarının emissiyası həyata keçiririlib. Artıq 41 milyon manatlıq istiqrazlar yerləşdirilib.
Oktyabrın 29-na olan rəsmi məzənnə 0,8034 AZN/USD təşkil edir.
Məqalə müəllifi ilə əlaqə ünvanı: [email protected]
