Özbəkistan, Daşkənd, 02 noyabr / Trend , müxbir D.Əzizov /
Özbəkistan Talimərcan istilik elektrik stansiyasında iki buxar-qaz qurğusunun inşası layihəsinin həyata keçirilməsi üçün Asiya İnkişaf Bankı (AİB), Dünya Bankı (DB) və Yaponiya Beynəlxalq Əməkdaşlıq Agentliyinin (JICA) 800 milyon dollar həcmində sindikatlaşdırılmış kreditini cəlb edə bilər.
Bu barədə Maliyyə Nazirliyinin Beynəlxalq Əməkdaşlıq İdarəsinin rəisi Şuhrət Vəfayev "Şərq Həqiqəti" qəzetində dərc olunan "Özbəkistan modeli: beynəlxalq maliyyə institutları və xarici investorlar ilə əməkdaşlıqda uğur" adlı məqaləsində bildirib.
"AİB, Dünya Bankı və Yaponiya Beynəlxalq Əməkdaşlıq Agentliyi hazırda yarımstansiyalı və yüksək xəttli Talimərcan istilik elektrik stansiyasında iki buxar-qaz qurğusunun inşası layihəsinin birgə maliyyələşdirilməsi paketini hazırlayır. Bu sindikatlaşdırılmış maliyyə paketinin həcmi təxminən 800 milyon dollardır", - məqalədə deyilir.
"Uzbəkenerqo" Dövlət Səhmdar Şirkəti BQQ-nun inşası layihəsini 2014-cü ilə kimi həyata keçirməyi planlaşdırır. Layihə ümumi gücü 800 Mvt olan iki BQQ-nun inşasını nəzərdə tutur.
Gözlənilir ki, tikintiyə növbəti ildə başlanılacaq. Hazırda "İstilik elektrik layihəsi" ASC ("Uzbekenerqo"DSŞ-nın tərkibinə daxildir) layihənin ilkin TİƏ-nın hazırlanmasını həyata keçirir.
"Uzbekenerqo" 2004-cü ildə Talimərcan İES-nın (əvvəl Talimərcan DRES) layihə gücü 800 Mvt olan ilk enerji blokunu istismara verib. Ümumiyyətlə, 800 Mvt gücünə malik dörd enerji blokunun unşası planlaşdırılırdı.
Stansiyanın genişləndirilməsi hazırda respublikanın Səmərqənd-Buxara regionunda mövcud olan elektrik enerjisi gücü ilə bağlı defisiti aradan qaldırmağa imkan verəcək, həmçinin ixrac bazarlarına, Əfqanıstana elektrik enerjisinin tədarükü üçün ehtiyat gücünün yaradılmasına imkan verəcək.
"Uzbekenerqo" DSŞ 2009-2015-ci illərdə 1,912 milyard dollar həcmində istilik elektrik stansiyalarının müasirləşdirilməsini həyata keçirəcək. Müasirləşdirmə proqramı 1651 Mvt gücə malik İES-in generasiya gücünün 11708 Mvt-a kimi artırılmasına yönəlib. Bu zaman istilik elektrik stansiyalarında elektrik enerjisinin istehsalının 2008-ci ildəki 47 milyard kVt/saata nisbətdə 50,5 milyard KVt/saata çatdırılması planlaşdırılır.
Hazırda Özbəkistanın enerji sistemində ümumi gücü 12 358 MVt təşkil edən 42 elektrik stansiyası fəaliyyət göstərir. "Uzbekenerqo" DSŞ-nin 16 elektrik stansiyasının ümumi gücü 12,04 min MVt təşkil edir. (Elektrik enerjisinin qalan hissəsi Kənd və Su Təsərüfatı Nazirliyinin strukturuna daxil olan sənaye müəssisələrinin istilik elektrik stansiyaları və kiçik SES-lər tərəfindən istehsal edilir). Elektrik enerjisi istehsalının potensial imkanı 56-57 milyard kVt/saat təşkil edir.
2008-ci ildə Özbəkistanda elektrik enerjisi istehsalı 2007-ci il ilə müqayisədə 2,3 faiz artaraq 50,100 milyard kVt/saat təşkil edib.
Özbəkistan Mərkəzi Asiya Birləşmiş Eenerji Sisteminin bir hissəsini təşkil edir.
