Azərbaycan, Bakı, 05 noyabr / Trend , müxbir Ü.İsmayılova/
Azərbaycanın iri sığorta şirkətlərindən biri olan "A-Group" oktyabr ayından Azərbaycan İpoteka Fondunun tam səlahiyyətli üzvü olub. Bu barədə cümə axşamı şirkət tərəfindən yayılan məlumatda deyilir.
"A-Group" sığorta şirkəti dövlət ipoteka kreditləşməsi çərçivəsində fond standartları üzrə sığorta hüququ əldə edib", - məlumatda deyilir.
"A-Group" sığorta şirkəti sığortanın üç icbari və 14 könüllü növü üzrə xidmət göstərir. 2009-cu ilin üç rübü ərzində şirkətin sığorta haqlarının həcmi 5,67 milyon manat təşkil edib.
Azersigorta, Alfa Sigorta, Atasigorta, Atesgah Sigorta, Basak-İnam Sigorta, Beynelxalq Sigorta, MBASK, Pasa Sigorta, Standard İnsurance, Baki Sigorta şirkətləri də siyahıya daxildirlər.
Noyabrın 05-nə olan rəsmi məzənnə 0,8032 AZN/USD təşkil edir.
Məqalə müəllifi ilə əlaqə ünvanı: [email protected]
