Azərbaycan, Bakı, 05 noyabr / Trend , müxbirlər Ü.İsmayılova, E.İsmayılov/
Azərbaycanda "Azərbaycan Hava Yolları" (AZAL) aviaşirkətinin Bakı-Dubay marşrutu üzrə aviabiletlərinin qiyməti azaldılacaq. Bu barədə Turizm Şirkətləri Assosiasiyasının prezidenti Nahid Bağırov cümə axşamı deyib.
"Bakı-Dubay-Bakı marşrutu üzrə ən baha biletlər (gediş-gəliş) 315 manat, ən ucuz biletlər isə 208 manat olacaq", - Bağırov deyib.
Onun sözlərinə görə, biletin qiymətinə uçuş zamanı müvafiq xidmətlər də daxildir.
AZAL-ın mətbuat xidmətinin rəhbəri Məhərrəm Səfərlinin sözlərinə görə, hazırda biletlərin qiyməti endirilməyib, lakin bu məsələ noyabrın 20-nə yaxın gözdən keçirilə bilər.
Bu il noyabrın 20-dən yeni Bakı-Dubay reysi açılacaq. Uçuşlar Dubayın "FlyDubai" aviaşirkəti tərəfindən həyata keçiriləcək.
Bakıdan Dubaya bir istiqamətdə olan biletin qiyməti 165 ABŞ dollardır, bu məbləğə vergilər və 10 kiloqramadək yük də daxildir.
Azərbaycanın Turizm Agentlikləri Assosiasiyası Mədəniyyət və Turizm Nazirliyinin dəstəyi ilə yaradılıb. Improtex Travel, Caspian Travel, Pasha Travel, Silkway Travel, Euroturizm şirkətlərinin rəhbərləri assosiasiyaya daxildir.
Assosiasiyasnın əsas fəaliyyət istiqamətləri: turist şirkətlərinin maraqlarının qorunması, qanunlayihələrinin işlənib-hazırlanması, tövsiyələr, milli turist şirkətinin yaradılmasına dəstək, bazar iştirakçıları üçün treninq və seminarların keçirilməsi üzrə planın hazırlanması, illik beynəlxalq sərgilərdə Azərbaycan turizminin təşviqatı və potensial reklamı üçün şəratin yaradılması, daxili turizmin inkişafı və turistik məhsulların dünya bazarlarında təqdim edilməsi.
Məqalə müəllifi ilə əlaqə ünvanı: [email protected]
