Azərbaycan, Bakı, 29 dekabr / Trend , müxbir Ü.İsmayılova/
"Azərbaycanda əhalinin sosial müdafiəsi sahəsində iki problem mövcuddur: bunlardan biri fərdi uçot sisteminə qeydiyyata alınma, digəri isə əmək haqqının verilməsi. Bunlar ikiqat mühasibat aparılması ilə əlaqədar olan problemlərdir". Bu barədə çərşənbə axşamı, Dövlət Sosial Müdafiə Fondunun(DSMF) rəhbəri Səlim Müslümov deyib.
"Fərdi uçot sisteminə qeydiyyata alınma sahəsindəki qanun pozuntuları əsasən özəl sektorda, xüsusən pərakəndə satış, aqrar, inşaat, nəqliyyat sektorunda, restoran biznesində və digər xidmət sahələrində müşahidə olunur", - Müslümov deyib.
Müslimovun sözlərinə görə, növbəti ildən, əmək haqqlarının rəsmi sənədlərə qeyd edilməsinin şəffaflığını təmin etmək üçün Dövlət Fondu yanında operativ qrup yaradılacaq və bu qrup mütəmadi olaraq həmin məsələyə nəzarət edəcək.
Müslimov həmçinin deyib ki, öz işçilərinin əmək haqqlarını sənədlərdə düzgün göstərməyən işə götürənlərə qarşı inzibati tədbirlər görməyi zəruri hesab etmir və hazırkı şərait ictimai təbliğatı gücləndirməyi tələb edir.
"Hər bir vətəndaş bilməlidir ki, onun alacağı təqaüd hökümətdən deyil, onun özündən asılıdır. Gələcəkdə, təqaüdlərin verilməsini dövlət büdcəsi maliyyələşdirməyəcək, təqaüdlərin həcmi hər bir sığorta olunmuş vətəndaşın əmək fəaliyyəti dövründə ödədiyi vəsaitlərdən asılı olacaq. Həyatda heç kim, bədbəxt hadisələrdən və əmək qabiliyyətinin itirilməsindən sığorta olunmayıb, buna görə də əlilliyə görə yüksək təqaüd almaq üçün tədbirlər görməyə cəhd etmək lazımdır", - Müslümov deyib.
Azərbaycanda fərdi uçot sisteminə qeydiyyata alınanların sayı ilin əvvəlindən 124 min nəfər artıb. Ölkədə 1,39 milyondan çox sosial sığorta olunmuş muzdlu işçi var.