Azərbaycan, Bakı, 11 yanvar / Trend , müxbir N.İsmayılova/
2009-cu il oktyabrın 1-nə görə manatla depozitlər üzrə orta tarif 11,66 faiz, noyabrın 1-nə görə 11,91 faiz, 2009-cu il yanvarın 1-nə görə isə 11,61 faiz təşkil edib. Bu barədə Azərbaycan Mərkəzi Bankının (AMB) məlumatında deyilir.
Xarici valyuta ilə depozitlərin orta tarifi müvafiq olaraq 10,8 faiz, 10,89 faiz və 7,96 faiz təşkil edib.
Dekabrın 1-də fiziki şəxslərin manatla depozitlərinin tarifləri noyabrın 1-də olan 13,21 faizə nisbətdə 12,94 faiz, yanvarın əvvəllərində isə 12,54 faiz təşkil edib. Fərdi şəxslərin xarici valyuta ilə depozit tarifləri müvafiq olaraq 12,59 faizə nisbətdə 12,41 faiz və 12,43 faiz təşkil edib.
Dekabrın 1-də hüquqi şəxslərin manatla depozitlərinin tarifləri noyabrın 1-də olan 7,05 faizə nisbətdə 6,75 faiz, yanvarın əvvəllərində isə 9,48 faiz təşkil edib. Hüquqi şəxslərin xarici valyuta ilə depozit tarifləri müvafiq olaraq 5,81 faizə nisbətdə 5,86 faiz və 5,4 faiz təşkil edib.