Gürcüstan, Tbilisi, 05 fevral / Trend , müxbir N.Kirsxaliya/
2009-cu ildə Gürcüstanın mal dövriyyəsi təxminən 5,52 milyard dollara çatıb, o cümlədən ixrac 1135 milyon dollar, idxal isə 4378,3 milyon dollar təşkil edib. Bu barədə Gürcüstanın Milli Statistika Xidmətinin məlumatında deyilir.
İxracda aparıcı yeri 2009-cu ildə 130,1 milyon dollar dəyərində ixrac olunan ferroərintilər tutub (bütün ixracın 11,5%-i). Qızıl (10,2%), fındıq (6,2%), metal qırıntıları (5,6%), mis konsentratı (5,5%), azot gübrələri (5,3%), etil spirti və spirtli içkilər (4,8%), şərab (2,8%) mühüm yer tutub.
2009-cu ildə idxalda mühüm yer neft və neft məhsullarına (bütün idxalın 12,7%-i), tibb preparatlarına (4%), qaza (3,5%), buğdaya (2,4%) məxsus olub.