...

Azərbaycan və Hindistan əczaçılıq sahəsində əməkdaşlığı genişləndirir

Biznes və iqtisadiyyat xəbərləri Materials 8 Fevral 2010 13:45 (UTC +04:00)
Hindistan əczaçılıq şirkətinin nümayəndə heyətinin Bakıya səfəri iki ölkə arasındakı əməkdaşlığın genişlənməsinə yardım edəcək. Bu barədə nümayəndə heyətinin başçısı Raqxuvir Kini Bakıda seminar-konfrans çərçivəsində deyib.

Azərbaycan, Bakı, 08 fevral / Trend , müxbir N.İsmayılova/

Hindistan əczaçılıq şirkətinin nümayəndə heyətinin Bakıya səfəri iki ölkə arasındakı əməkdaşlığın genişlənməsinə yardım edəcək. Bu barədə nümayəndə heyətinin başçısı Raqxuvir Kini Bakıda seminar-konfrans çərçivəsində deyib.

"Biz Hindistan və Azərbaycan arasındakı əczaçılıq sahəsində mövcud əməkdaşlığı genişləndirmək niyyətindəyik. Hindistanın məhsulları keyfiyyətli və əldə edilə bilən olduğuna görə, biz Azərbaycan xalqının Hindistan əczaçılıq şirkətlərinin təklif etdiyi preparatlardan istifadə etməsində maraqlıyıq", - Kini deyib.

Onun sözlərinə görə, nümayəndə heyətinə Hindistanın 23 şirkəti daxil olub. Onlar arasında əvvəllər Azərbaycanda işləməmiş nümayəndələr də vardır.

Hindistanın Azərbaycandakı Fövqəladə və Səlahiyyətli səfiri Debant Şounun sözlərinə görə, bu səfərin məqsədi əməkdaşlığı genişləndirmək və Hindistanın əczaçılıq preparatları istehsalçıları ilə Azərbaycanın ticarət şirkətləri arasında informasiya mübadiləsidir.

"Biz həmçinin hesab edirik ki, bu görüş Azərbaycanda qeyri-neft sektorunun inkişafına yardım edəcək", - Şou deyib.

Bu gün Azərbaycanda 35 Hindistan əczaçı şirkəti və 275 adda Hindistan istehsalı olan dərman preparatları qeydiyyatdan keçib. Bu barədə Azərbaycan Səhiyyə Nazirliyinin beynəlxalq əlaqələr şöbəsinin rəhbəri Samir Abdullayev deyib.

Onun sözlərinə görə, bu gün iki ölkə hökuməti arasındakı qarşılıqlı əlaqələr yüksək səviyyədədir və bu görüş əlaqələrin sosial və səhiyə sahəsində möhkəmlənməsinə kömək edəcək.

Xəbər lenti

Xəbər lenti