Türkmənistan, Aşqabad, 10 fevral / Trend , müxbir H.Həsənov/
Türkmənistan və Rusiya arasında 2009-cu ildə əmtəə dövriyyəsi 1247 milyon ABŞ dolları təşkil edib. Əmtəə dövriyyəsinin artım tempi (2008-2009-cu illərdə təbii qaz ixracının nəzərə alınmaması ilə) 24,4 faiz təşkil edib. Türkmənistan KİV bu barədə Rusiyanın Aşqabaddakı səfiri İqor Blatovun məlumatına istinadən bildirir.
"Aktiv ticari-iqtisadi fəaliyyət ilə dinamik siyasi dialoq təkmilləşdirilir. Türkmənistan Rusiyanın əsas ticarət tərəfdaşıdır. Dünya iqtisadi böhranına baxmayaraq, bizim ölkələrimiz arasında yüksələn əmtəə dövriyyəsinin həcmi saxlanılır", - diplomat qeyd edib.
Türkmənistan qazının Rusiyaya tədarükü 2009-cu ilin aprelində dayandırılıb və 2010-cu ilin əvvəlində bərpa edilib.
Bu payız Tatarıstan, Sankt-Peterburq və Həştərxan vilayətinin rəhbərləri Türkmənistana səfər ediblər. Sözü gedən Rusiya regionları ilə tikinti texnikalarının tədarükü, gəmilərin təmiri, ticarət yolları infrastrukturunun müasirləşdirilməsi üzrə milyonlarla dəyəri olan müqavilələr imzalanıb.