Azərbaycan, Bakı, 04 mart / Trend , müxbir N.İsmayılova/
Azərbaycanın Qiymətli Kağızlar üzrə Dövlət Komitəsi (QKDK) tərəfindən "AFB Capital" MMC-yə qiymətli kağızların idarə olunması üzrə fəaliyyətlə məşğul olmaq üçün 5 il müddətinə yeni xüsusi razılıq (lisenziya) verilib. Bu barədə cümə axşamı dövlət komitəsinin yaydığı məlumatında deyilir.
"Qiymətli kağızlar bazarında peşəkar iştirakçının bu növ üzrə fəaliyyət göstərməsinə dair razılıq martın 3-də verilib", - məlumatda deyilir.
QKDK ötən il dekabrın 25-də broker və diler fəaliyyəti ilə məşğul olmaq üçün "AFB Capital" şirkətinə xüsusi icazə vermişdi.
Hazırda qiymətli kağızlar bazarında 15 broker fəaliyyəti, 13 diler fəaliyyəti və 4 qiymətli kağızların idarə edilməsi, 2 qiymətli kağız sahiblərinin reyestrinin aparılması, 1 fond birjası və 1 klirinq üzrə peşəkar fəaliyyətə verilmiş xüsusi razılıqlar (lisenziyalar) qüvvədədir.
