Azərbaycan, Bakı, 17 mart / Trend , müxbir Ü.İsmayılova/
Azərbaycanın Qiymətli Kağızlar üzrə Dövlət Komitəsi (QKDK) "Era Trans Sığorta" ASC-nin ümumi məbləği 3,375 milyon manat həcmində olan sadə, sənədsiz, adlı səhmlərinin emissiyasını qeydiyyata alıb. Bu barədə Dövlət Komitəsinin çərşənbə günü yaydığı məlumatda bildirilir.
1 səhmə görə nominal dəyəri 125 manat olan 3000 səhm qeydə alınıb.
Səhmlər 1000 manat nominalında 3000 səhmin konvertasiyası yolu ilə yerləşdiriləcək. Nəticədə şirkətin nizamnamə kapitalı hazırkı üç milyon manatdan 3,375 milyon manatadək artacaq.
Şirkətin kapitallaşması 2009-cu ildəki fəaliyyətin yekunları üzrə əldə olunmuş 276, 277 min manat həcmində mənfəət, həmçinin təsisçi tərəfindən investisiyalar hesabına həyata keçiriləcək. Şirkətin yeganə təsisçisi Elşən Babayevdir (Era Trans Sığortanın İdarə Heyətinin sədri).
1994-cü ildən fəaliyyət göstərən Era Trans sığortanın 22 könüllü və dörd icbari növü üzrə xidmət göstərir.
Yanvarda fəaliyyətinin yekunları üzrə şirkətin tədiyələri 0,06 milyon manat, ödənişləri isə 0,03 milyon manat təşkil edib.
Martın 17-nə olan rəsmi məzənnə 0,8033 AZN/USD təşkil edir.
