Azərbaycan, Bakı, 7 may /Trend/
Azərbaycan Maliyyə Nazirliyinin əmri ilə 2010-cu il mayın 7-də üç şirkətin - "Günay Sığorta", "Azal Sığorta" və "Əmrah Sığorta"nın sığorta fəaliyyətinin həyata keçirilməsi üzrə lisenziyası dayandırılıb. Bu barədə nazirliyin cümə günü yaydığı məlumatda bildirilir.
"Belə qərar sığorta qanunvericiliyi ilə müəyyən edilmiş ödəniş qabiliyyəti və sığortaçıların maliyyə sabitliyi normativlərini yerinə yetrilməsi üzrə dövlət sığorta nəzarəti orqanının göstərişlərinin yerinə yetirilməməsi ilə bağlıdır", - məlumatda bildirilir.
Bundan əvvəl, aprelin sonlarında "AzInvest Sigorta" ASC-yə sığorta fəaliyyəti üzrə müddətsiz lisenziyanın verilməsindən imtina edilmişdi; daha doğrusu, şirkət ölkənin sığorta bazarında öz mövcudluğuna son qoymuşdu.
"Sığorta fəaliyyəti haqqında" qanuna uyğun olaraq, 2010-cu il yanvarın 1-dən sığorta şirkətləri ümumi kapitalı iki milyon manatadək çatdırmalıdır.
"Ümumi kapital şirkətin malik olduğu aktivlərin dəyəri ilə xarakterizə olunur. Müvafiq olaraq, şirkətin kapitallaşması üzrə tələblərin yerinə yetirilməməsi qanunvericilikdə nəzərdə tutulan ödəniş qabiliyyətliliyi üzrə normativləri pozur", - Azərbaycan Maliyyə Nazirliyi yanında Dövlət Sığorta Nəzarəti Xidmətinin rəhbəri Namiq Xəlilov "AzInvest Sigorta"ya lisenziya verilməsindən imtina edilməsini şərh edərkən deyib.
Nəticədə, adları çəkilən üç şirkətin fəaliyyəti dayandırılıb. Ölkənin sığorta bazarında 24 şirkət qalıb.
Mayın 7-nə rəsmi məzənnə 0,8035 AZN/USD təşkil edir.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
.jpg)
