Аzərbaycan, Bakı, 17 may /Trend/
Çinin "Zhuzhou Electric Locomotive" şirkəti "Azərbaycan Dəmir yolları" QSC-yə öz istehsalı olan lokomotivləri təklif edib. Bu barədə bazar ertəsi QSC-dən yayılan məlumatda deyilir.
Məlumatda deyildiyi kimi, şirkət QSC-yə öz istehsalı olan lokomotivlərin elektron versiyasını təqdim edib.
"Zhuzhou Electric Locomotive" digər sahələrdə də əməkdaşlıq təklif edib.
Bundan əvvəl Cənubi Koreya şirkəti HYUNDAY-ROTEM və DAEWOO "Azərbaycan Dəmir Yolları" QSC üçün öz istehsalı olan lokomotivləri təqdim etmişdilər.
"Azərbaycan Dəmir Yolları" QSC-nin 2010-2014-cu illərdə inkişafa dair Dövlət Proqramı" layihəsi çərçivəsində Bakı-Böyük Kəsik məntəqələri üçün dəyişkən cərəyanla işləyən 50 yeni lokomotivin alınması nəzərdə tutulub.
