Azərbaycan, Bakı, 25 iyun /Trend, müxbir Ü.İsmayılova/
Azərbaycanın Mədəniyyət və Turizm Nazirliyi 2009-cu ildə göstərilən xidmətlərin tələblərə cavab verməməsinə görə 40 mehmanxananı bağlayıb. Bu barədə cümə günü mədəniyyət və turizm naziri Əbülfəs Qarayev bildirib.
"Hazırda 70-ə yaxın mehmanxananın "ulduzu" var və cari ildə altı mehmanxana bununla bağlı nazirliyə müraciət edib", - nazir qeyd edib.
Onun sözlərinə görə, qalan otellər "ulduz" almaq üçün müəyyən tələblərə cavab vermədiklərinə görə nazirliyə müraciət etmirlər.
Qarayevin fikrincə, qüvvədə olan qanunvericiliyiə əsasən, mehmanxana obyektləri tərəfindən "ulduz"un alınması prosesi könüllülük əsasında aparılır, lisenziyanın alınması isə məcburidir.
Əvvəllər nazirin qeyd etdiyinə görə, hər il Azərbaycanda 25-dən 50-dək otel inşa olunur. Hazırda 50 otelin tikintisi davam etdrilir. Azərbaycanda turistlərin yerləşdirilməsi üç dəfə artıb. 2001-2002-ci illərdən etibarən Azərbaycanda turizmin inkişafı sahəsinə maraq oyanıb. "Əgər həmin dövrdə 32 turist şirkəti fəaliyyət göstərirdisə, hazırda onların sayı 123-ə çatıb", - nazir vurğulayıb.
İndi ölkədə mehmanxana biznesinin aparılması üzrə 300 lisenziya verilib, daha 20 oxşar müraciətə baxılır. Əvvəllər 50 müraciət tələblərə uyğun olmadığına görə rədd edilmişdi.
"Azərbaycanda həm yerli, həm də dünyada tanınan mehmanxanaların sayının artması ölkə bazarının cəlbedici olmasının göstəricisidir", - o deyib.
