Azərbaycan, Bakı, 29 iyun /Trend/
Çərşənbə axşamı Bakıda İqtisadi İnkişaf Nazirliyinin dəstəyi, Azərbaycanda İxracın və İnvestisiyaların Təşviqi Fondunun (AZPROMO) və Polşanın Azərbaycandakı səfirliyinin təşkilatçılığı ilə Azərbaycan-Polşa işgüzar görüşü keçirilib.
Tədbirdə rəsmi şəxslərlə yanaşı, tikinti, sənaye, energetika, neft-kimya və digər sahələrdə fəaliyyət göstərən 20-dən çox iş adamı iştirak edib.
Tədbir çərçivəsində hər iki ölkənin iş adamlarının işgüzar görüşləri keçirilib və gələcək iqtisadi əməkdaşlığın inkişaf perspektivləri müzakirə edilib.