Аzərbaycan, Bakı, 9 iyul /Trend, müxbir N.İsmayılova/
Azərbaycan Risk Peşəkarları Assosiasiyası yanında tədqiqat mərkəzi yaradılır, - assosiasiyanın rəhbəri Rüfət Mahmud deyib.
"Hal-hazırda bazarda analitik tədqiqatlar aparacaq tədqiqat mərkəzinin yaradılması və onların nəticələri üzrə məqalələr və hesabatlar hazırlamaq üzrə işlər aparılır", - Mahmud deyib.
Onun sözlərinə görə, ilkin mərhələdə mərkəzin fəaliyyəti ölkənin yalnız bank sektorunu əhatə edəcək.
"Artıq sentyabrda jurnallar, maliyyə hesablayıcıları kimi müxtəlif məhsullar buraxmağı planlaşdırırıq", - Mahmud deyib.
Assosiasiya mayın ortalarında qeydiyyatdan keçib və onun institusional təsdiqi davam edir. Strukturun yaradılma məqsədi - ölkənin maliyyə sektorunda risklərin azaldılmasına yardım göstərməkdir. Assosiasiya Mərkəzi Bank, GARP və İFC ilə əməkdaşlıq edir.