Azərbaycan, Bakı, 14 iyul /Trend/
Azərbaycan "MasterCard Worldwide" beynəlxalq təşkilatının mühüm tərəfdaşıdır və bununla bağlı qarşılıqlı əlaqələri genişləndirmək lazımdır. Təşkilatın nümayəndələri belə hesab edirlər.
Bu barədə "MasterCard Worldwide" nümayəndələrinin iştirakı ilə Azərbaycan Mərkəzi Bankının ölkənin kommersiya bankları üçün keçirdiyi seminarda bildirilib. Seminarda "MasterCard Worldwide"ın Azərbaycan üzrə yeni meneceri Hakan Acar və regional direktor Mete Güney təşkilatın fəaliyyətindən, təsərrüfat subyektləri ilə əlaqələrin genişləndirilməsindən, ödəniş kartları bazarında uğurlu marketinq istiqamətləri, o cümlədən ilkin ödənişli və əlaqəsiz ödəmə kartlarından istifadənin dünya təcrübəsi haqqında danışıblar və bu sahədəki yeniliklər barədə məlumat veriblər.
Görüşdə banklara MoneySend pul köçürmələri sistemi barədə də məlumat verilib.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
