Azərbaycan, Bakı, 23 iyul /Trend/
Cümə günü dövlət strukturlarının iştirakı ilə Azərbaycan Nəqliyyat Nazirliyində Ələtdə yerləşəcək yeni Bakı beynəlxalq dəniz limanının tikintisi layihəsinin sosial-iqtisadi sahələri və ətraf mühitə təsiri üzrə hesabatın (ОВОС) müzakirələri keçirilib. Bu barədə nazirliyin cümə günü yaydığı məlumatda deyilir.
Məlumatda deyildiyi kimi, müzakirələrdə ARDNŞ (Dövlət Neft Şirkəti), Ekologiya və Təbii Sərvətlər Nazirliyinin nümayəndələri iştirak ediblər.
Bu layihə çərçivəsində artıq potensial mənfi təsirlərin aradan qaldırılmasının qiymətləndirilməsi prosesi başa çatıb ki, bu da müzakirə olunan hesabatda öz əksini tapıb.
Ələt qəsəbəsində yeni dəniz limanının tikintisi üç mərhələdə həyata keçiriləcək və 2015-ci ildə başa çatdırılacaq. Layihənin 2008-2010-cu illəri əhatə edən birinci mərhələsində konteynerlərin, "ro-ro" tipli gəmilərin və adi (universal) quru yüklərin qəbulu üçün iki bərə, üç yük körpülərinin inşası nəzərdə tutulur. 2011-2013-cü illəri əhatə edən ikinci mərhələdə daha üç yük körpülərinin inşası, üçüncü mərhələdə isə (2014-2015) iki əlavə yük körpüsünün inşası nəzərdə tutulur. Limanın inşası layihəsi 400 milyon dollardan çox qiymətləndirilir.
Məmmədovun dediyi kimi, yeni limanda 11 yanalma körpüsü quraşdırılacaq ki, bunlardan altısı layihənin birinci mərhələsində inşa olunacaq. Belə ki, bu yanalma körpüləri 2009-2011-ci illərdə tikiləcək. İnşası başa çatdıqdan sonra liman 11,6 milyon tona qədər yük qəbul edə biləcək.
