Azərbaycan, Bakı, 16 avqust /Trend/
Bakı Fond Birjasının (BFB) 2010-2012-ci illər üzrə inkişaf strategiyasına uyğun olaraq, 16 avqust 2010-cu il tarixində birjanın yeni rəsmi loqotipi qüvvəyə minib. Bu barədə birjanın bazar ertəsi yayılan məlumatında deyilir.
Yeni loqotip BFB-nin ölkənin maliyyə mühitindəki yerini daha dəqiq ifadə etməklə, qiymətli kağızlar bazarında mümkün ola bilən artım və enmələri simvolizə edir.
"Bu baxımdan, loqotipin tərtibatında maliyyə sahəsində qəbul edilmiş qara (gəlir) və qırmızı (zərər) rənglərdən istifadə olunub", - məlumatda qeyd olunur.