Azərbaycan, Bakı, 21 avqust/Trend, müxbir İ.Xəlilova/
Avropa Yenidənqurma və İnkişaf Bankı (AYİB) və Almaniyanın İnvestisiya Korporasiyası "DEG" Azərbaycan bankı "Unibank"ın səhmdarları qismində beş il qalmaq niyyətindədirlər. Bu barədə şənbə günü bankdan bildiriblər.
""Unibank"ın səmdarları qismində qalmaqla bağlı istək, ötən il 83 milyon dollar məbləğində verilən maliyyə paketi ilə möhkəmlənib. Bu ölkənin özəl bank sektorunda ən böyük saziş olub", - bankdan bildiriblər. Bu qərar AYİB-in Direktorlar Şurasının 2009-cu il iyunun 16-da keçirilən iclasında qəbul edilib.
Maliyyə paketi AYİB tərəfindən DEG (Deutsche Investitions- und Entwicklungsgesellschaft mbH), Niderlanıdın Maliyyə İnkişaf Şirkəti ("FMO") və Avstriyanın İkişaf Bankı ("OeEB") ilə birlikdə Unibank"ın Azərbaycan iqtisadiyyatının real sektorunun kreditləşdirilməsi imkanlarının genişləndirilməsi məqsədilə verilib. Bununla yanaşı, bankın bu paketdə AYİB-dən götürdüyü ümumi borcu 18,5 milyon dollar məbləğində əsas borc daxil olmaqla, 42,7 milyon dollar təşkil edib.
"DEG", "FMO" və "OeEB"in bu maliyyə paketindəki payı müvafiq olaraq 14,8, 15 və 10 milyon dollar təşkil edir. "Unibank"ın xarici səhmdarları tərəfindənm ayrılan vəsaitlərin bir hissəsi bankın səhmlər kapitalına investisiya qismində rəsmiləşdirilib.
"Maliyyə paketindəki vəsaitlərin bir hissəsin müddəti müvafiq olaraq üç il, digərinin isə beş ildir, bu müddət başa çatanadək AYİB və "DEG"in bankımızın səhmdarları sırasından çıxmasını gözləmək çətin ki mümkün olsun", -"Unibank"dan bildiriblər.
AYİB və "DEG" "Unibank"ın müvafiq olaraq səhmlər paketinin 15,15 və 8,33 faizinə malikdirlər. Lakin 2008-ci ildən etibarən imzalanan sazişə əsasən, onlar Azərbaycan bankının səhmdarları tərkibindən çıxmaq hüququnu əldə ediblər.
"Biz adətən investisiyaları kapitala yeddi il və daha çox uzunmüddətli dövrə qoyuruq, - bundan əvvəl AYİB-in Bakı nümayəndəliyinin rəhbəri Frensis Deley deyib. - Unibank"la bağlı isə, biz Azərbaycan bankının biznesinin inkişafında rolumuzu qorumaq niyyətindəyik və ona gələckdə də kömək edəcəyik, halbuki bizim "Unubank"ın kapitalında öz payımızı satmağa mandatımız var".
Maliyyə göstəricilərinə görə, ölkənin ən böyük banklarından olan "Unibank" Azərbaycanın bank sahəsinin on lideri sırasına daxildir. Bankın nizamnamə kapitalı 36 milyon manatdır. Lakin iki həftədən sonra emissiyalar ödənilən zaman 41,6 milyon manata çatacaq.
Avqustun 21-nə rəsmi məzənnə 0,8038 AZN/USD təşkil edir.