Тürkmənistan, Aşqabad, 31 avqust /Trend, müxbir H. Həsənov/
Türkmənistan Xəzər dənizində Avaza kurortunun inkişafı üzrə beynəlxalq tender elan edib. Həmçinin Türkmənistan parlamenti Avaza milli turizm zonasında əla növ istirahət mərkəzinin tikintisi və layihələşdirilməsi üzrə beynəlxalq tender elan edib.
Maraqlanan bütün təşkilatlar, müəssisələr və xarici şirkətlərə təklif olunur:
- İştirakçının tam adını, onun hüquqi statusunu göstərməklə tenderdə iştirak etmək haqqında yazılı ərizə vermək;
- Türkmənistanda tikinti işlərinin yerinə yetirilməsi və son 3 ildə obyektlərin istismara verilməsi haqqında məlumat təqdim etmək;
- İctimai və sosial-mədəni binalar, eləcə də Türkmənistan Məclisi üçün binanın layihələşdirilməsi və tikintisi üzrə tenderin keçirilmə qaydaları ilə tanış olmaq;
- Tender sənədlər paketi almaq.
Tenderdə iştirak etmək üçün ərizələr 2010-cu il 15 sentyabra qədər aşağıdakı ünvanda qəbul olunur: Türkmənistan, Aşqabad şəhəri, Müstəqillik küç., 110, Kab.104, Türkmənistan Məclisi.
Tenderin keçirilməsi haqqında əlavə məlumat almaq üçün (+993 12) 21-47-77, 35-43-65 telefonlarına zəng etmək olar.
Marı vilayətinin hakimliyi də öz növbəsində Avaza milli turizm zonasında idman-sağlamlıq kompleksi üçün avadanlıqların təchizatı üzrə beynəlxalq tender elan edib.
Maraqlanan müəssisələr, təşkilatlar və şirkətlər öz təkliflərini Marı şəhəri, Mollanepes küç., 41 ünvanına göndərə bilərlər.
Ərizə və təkliflər 2010-cu il 10 sentyabr yerli vaxtla saat 18:00-dək qəbul olunur.
Əlaqə telefonu: (+883 522) 6-33-75