Azərbaycan, Bakı, 29 sentyabr /Trend, müxbir H.Vəliyev/
2010-cu ildə Azərbaycanda paxla-taxıl bitkilərinin istehsal həcmi iki milyon ton təşkil edir ki, bu da 2009-cu il göstəricisindən 30-33 faiz aşağıdır. Bu barədə çərşənbə günü jurnalistlərə Azərbaycanın kənd təsərrüfatı naziri İsmət Abasov deyib.
Nazirin sözlərinə görə, üçdəbir hissə qədər endirim ölkədə hansısa problemlərin yaranacağını deməyə əsas vermir.
"Statistik göstəricilərə diqqət yetirsək, ölkədə istehsal olunan ərzaq taxılının həcmi 1,3 milyon ton təşkil edib. Bununla yanaşı, avqusta qədər 700 min tona yaxın ərzaq taxılı idxal olunub", - nazir deyib.
Onun sözlərinə görə, taxıl idxalı bu gün də davam edir, ölkəyə həmçinin un gətirilir.
"Hazırkı istehsal, idxal və tələbatı götürsək, taxıl ehtiyatlarının kifayət qədər olduğunu görmək olar", - nazir deyib. - "Dövlət bu sahəyə xüsusi diqqət ayırır və FHN yanında ehtiyat taxıl fondu uğurla fəaliyyət göstərir".
Fond ehtiyat qismində ölkəyə 250 min ton taxıl idxal etməyi planlaşdırır. Fondda taxıl ehtiyatı həcmi 500 min ton təşkil edir. Təbiətdə baş verən kəskin dəyişmələrə görə, hökumət ehtiyat taxıl fonduna əlavə olaraq 50 milyon ton ayırıb.
Abasovun sözlərinə görə, xoşagəlməz hava şəraitlərinə görə, taxılın istehsalının azalması səbəbi ilə iyun ayında nazirlik Nazirlər Kabinetinə bu məhsulun idxalına ƏDV-nin ləğv edilməsi xahişi ilə müraciət edib.
"Lakin Nazirlər Kabineti respublikanın bütün nazirlikləri ilə məsələ barədə razılığa gəldikdən sonra qəti qərar verir. Və hələ ki bəzi nazirliklər ƏDV-nin qüvvədə qalmasını vacib hesab edirlər, buna görə də Nazirlər Kabineti bu barədə qərar verməyib. Lakin digər ölkələrdə taxılın qiyməti artarsa, mövcud qərar verilə bilər", - Abasov deyib.