...

"TBC Kredit" kredit portfelini 20 faiz artırıb

Biznes və iqtisadiyyat xəbərləri Materials 21 Oktyabr 2010 16:42 (UTC +04:00)

Azərbaycan, Bakı, 21 oktyabr /Trend/

2010-cu ilin 3 rübü ərzində bank olmayan kredit təşkilatı "TBC Kredit"in kredit portfeli 2009-cu ilin göstəriciləri ilə müqayisədə təxminən 20% artıb. 2010-cu il oktyabrın 1-nə olan göstəricilərə əsasən kredit portfeli 1785 aktiv kreditlə 19,5 miyon dollara çatıb. Portfelin 56%-ni biznes, 29%-ni ipoteka, 16%-ni isə istehlak kreditləri təşkil edir.

Təşkilatın kredit portfelinin artımı keçən illə müqayisədə kreditlər üzrə daha əlverişli şərtlərin təklif edilməsi nəticəsində əhaliyə verilən kreditlərin həcminin artmasından irəli gəlir. Bütün kredit növləri üzrə faiz dərəcələri aşağı salınıb, verilən kreditlərin həcmi artırılıb. Bunun sayəsində təklif edilən kreditlərin bazarda rəqabət qabilliyətliliyi artıb.

"TBC Kredit" müştərilərinə təklif edilən kredit məhsullarının çeşidinin artırılmasına xüsusi diqqət ayırır. Belə ki, məzuniyyət dövründə "TBC Kredit" yeni "Səyahətlər kreditlə" məhsulunu təklif etdi. Şirkətin müştəriləri olan və kreditə təkrar müraciət edənlər üçün xüsusi kreditləşdirmə proqramı da hazırlanır.

Kreditləşdirmənin həcminin artırılması və şərtlərin yaxşılaşdırılması bazarda yaranan sabitlik və beynəlxalq maliyyə təşkilatları tərəfindən əlavə maliyyələşdirmə hesabına mümkün olub. İlin birinci yarısında "TBC Kredit" 2009-cu ilin noyabrında təsdiq olunmuş 12 milyon dollar məbləğində uzunmüddətli kredit çərçivəsində OPIC-dən (Overseas Private Investment Corporation, USA) 2 milyon dollar həcmində kreditin ilk hissəsini alıb. Noyabrın sonunadək növbəti tranşın alınması gözlənilir.

"TBC Kredit" 2009-cu ildən etibarən sahibkarlıq fəaliyyəti göstərən qaçqın və məcburi köçkünlərə mikrokreditlərin verilməsi ilə məşğul olan "Kömək" qeyri-hökumət beynəlxalq humanitar təşkilatına yardım edir. "TBC Kredit" mövcud kateqoriyadan olan Azərbaycan iş adamlarına sahibkarlıq fəaliyyətinin inkişafı üçün də kömək göstərir.

Xəbər lenti

Xəbər lenti