Azərbaycan, Bakı, 27 dekabr /Trend, müxbir N.İsmayılova/
Azərbaycan Mərkəzi Bankı (AMB) pul kütləsinin (M2) (dövriyyədə pulun olması (banklardan kənar) və qeyri-maliyyə təşkilatlarında, maliyyə təşkilatlarında (kreditlərdən başqa) və fiziki şəxslərin hesablarında milli valyutada qalıqlarını) noyabrda 1,4 faiz və 2009-cu ilin noyabrında 33 faiz artdığını açıqlayıb. Bu barədə AMB-nin məlumatında deyilir.
Belə ki, noyabrın sonuna olan vəziyyətə görə, M2 göstəricisi 7417,7 milyon manat təşkil edib, oktyabrın sonunda bu rəqəm 7314,5 milyon manat, 2009-cu il dekabrın 1-də isə 5575,6 milyon manat olub.
Noyabrın sonuna olan vəziyyətə görə, nağd pul kütləsi (M0) 4994,3 milyon manat təşkil edib. Okyabrın sonunda bu rəqəm 4942,6 milyon manat, 2009-cu il dekabrın 1-də isə 3805,7 milyon manat olub.
Genişlənmiş pul kütləsi (Broad Money Supply - M3) noyabrın sonunda 9620,8 milyon manat, oktyabrın sonunda 9619,9 milyon manat, 2009-cu il dekabrın 1-də isə 7904,9 milyon manat olub.
Noyabr ayının yekun nəticələrinə əsasən, sövdələşmələr üçün məbləğlər (transaction money (M1) 5964 milyon manat, oktyabrın sonunda 5999,9 milyon manat, 2009-cu il dekabrın 1-də isə 4706,6 milyon manat təşkil edib.
Dekabrın 27-nə olan rəsmi məzənnə 0,7985 AZN/USD təşkil edir.