Azərbaycan, Bakı, 30 dekabr /Trend, müxbir Ü.İsmayılova/
Azərbaycanın "Qarant Sigorta" şirkəti uşaqların könüllü tibbi sığortası üzrə polislərin satışını dayandırıb. Bu barədə şirkətin idarə heyətinin sədri Vaqif Həsənov bildirib.
"Bu polislərin satıldığı dövr ərzində məlum olub ki, sığortanın bu növü Azərbaycanda populyar deyil və ona tələbat yoxdur", - Həsənov bildirib.
Onun sözlərinə görə, bununla əlaqədar şirkət bu xidmətlərin göstərilməsini dayandırıb. Lakin bu məhsul sığortanın bu növü üzrə bağlanmış müqavilələrin fəaliyyət müddəti başa çatanadək qüvvədə olacaq.
"Qarant Sigorta" SŞ uşaq könüllü tibbi sığortası məhsulunun 2009-cu il iyulun sonlarından tətbiq edib.
"Uşaqların tibbi sığortası şirkətin marketinq gedişidir", - Həsənov bundan əvvəl bildirmişdi.
Sığortanın bu növü yığım sığortası deyil, tibbi sığortanın klassik növüdür və bir il müddətinə bağlanır.
Məhsula üç- Pediatrik I, Pediatrik II, Pediatrik Plus proqramları daxildir. Polisin maksimum qiyməti beş min manat təşkil edir.
"Qarant Sigorta" SŞ Azərbaycan Maliyyə Nazirliyindən sığorta fəaliyyəti göstərmək üçün 2007-ci ilin noyabrında lisenziya alıb. "Qarant Sigorta" "ZQAN Holdings"in tərkibinə daxildir. Şirkətin nizamnamə kapitalı dörd milyon manat təşkil edir.
Dekabrın 30-da rəsmi məzənnə 0,7979 AZN/USD təşkil edir.
