Azərbaycan, Bakı, 5 yanvar /Trend, müxbir N.Kirsxaliya/
Dünya Bankı (DB) qrupunun üzvü olan Beynəlxalq Maliyyə Korporasiyası (BMK) Azərbaycan bankı "TuranBank"a qabaqcıl metodlarının tətbiqi və kiçik və orta sahibkarlığın maliyyələşdiriməsi sahələrinin inkişafına dəstək verib. Bu barədə BMK-nın məlumatında deyilir.
"TuranBank" BMK-nın konsultativ proqramına ilk dəfə 2009-cu ildə öz korporativ idarəetmə sistemini yaxşılaşdırmaq üçün qoşulub. "TuranBank"la iş BMK-nın Şərqi Avropa və Mərkəzi Asiyada maliyyə sektorunun gücləndirilməsi məqsədilə böhran nəticələrinin aradan qaldırılması layihəsi üzrə həyata keçirtdiyi ümumi regional proqram çərçivəsində aparılır. "TuranBank" BMK-nın Azərbaycanda İqtisadi Məsələlər üzrə İsveçrə Katibliyinin (SECO) dəstəyilə reallaşdırdığı antiböhran proqramında iştirak edən üçüncü bankdır.
"Bu bizim BMK ilə əməkdaşlığımızın növbəti mərhələsidir və bu, bank üçün vacibdir. BMK-nın təcrübəsi və dəstəyi ilə risklərin idarə olunmasının təməlini qoyduq, bu da bizə kiçik və orta müəssisələrin kreditləşdirilməsini artırmağa, bankımız və müştərilərimiz üçün əlavə rəqabət üstünlüyü yaratmağa imkan verəcək", - "TuranBank"ın idarə heyətinin sədri Nazim Sadıqov bidlirib.
Azərbaycanın ilk kommersiya banklarından biri olan "TuranBank" pərakəndə və korporativ müştərilər üçün kompleks bank xidmətləri təklif edir. Bankın 156 milyon dollar məbləğində aktivləri var. Bunun 125 milyon dollarını kredit portfeli təşkil edir.
BMK-nın Şərqi Avropa və Mərkəzi Asiyada antiböhran tədbirləri proqramı 2009-cu ildən İqtisadi Məsələlər üzrə İsveçrə Katibliyi ilə (SECO) əməkdaşlıqda həyata keçirilir. Bu günədək proqram çərçivəsində 1000-dən artıq ali və orta təhsilli mütəxəssis hazırlıq keçib.
