Azərbaycan, Bakı, 13 yanvar /Trend/
Milli matəm günü - 20 Yanvarda Bakı vaxtı ilə saat 06:00-dan 23:00-dək "Azərbaycan Dəmir Yolları" QSC-in hazırladığı tədbirlər planı çərçivəsində Abşeronun şəhərətrafı zonasında elektrik qatarlarında bilet pulsuz olacaq. Bu barədə cümə axşamı QSC-dən məlumat verilib.
20 Yanvar qurbanlarının xatirəsi bir dəqiqəlik sükutla yad olunacaq - saat 12:00-da qatarların hərəkəti dayandırılacaq, lokomotivlər fit verəcək.
Həmçinin, 1990-cı il yanvarın 20-də həlak olan dəmiryol işçilərinin ailə üzvlərinə maddi yardım veriləcək.