...

Azərbaycanın aqrar sektorunun maliyyə resurslarına olan tələbatı 1 milyard manatı ötür

Biznes və iqtisadiyyat xəbərləri Materials 4 Fevral 2011 15:37 (UTC +04:00)

Azərbaycan, Bakı, 4 fevral /Trend, müxbir N.İsmayılova/

Hazırda Azərbaycanın kənd təsərrüfatının maliyyə resurslarına olan tələbatı 1 milyard manatı ötür. Bu barədə bank olmayan kredit təşkilatı "Aqrarkredit"in idarə heyətinin sədri Məmməd Musayev Yeni Azərbaycan Partiyasının qərargahında konfederasiyanın 2010-cu ildəki fəaliyyətinin yekunlarına və cari il üçün planlara həsr olunan mətbuat konfransında deyib.

"2011-ci ildə bank olmayan kredit təşkilatı "Aqrarkredit" banka çevrilmək strategiyasına sadiqliyini davam etdirəcək. Bu gün Azərbaycan bazarında böyük kapital bazalı iri bank strukturuna ehtiyac duyulur. Bu maliyyə qurumu tərəfindən həm "Aqrarkredit", həm də digər təşkilat ola bilər, lakin bu istiqamətdə müəyyən addımlar atılacaq", - Musayev qeyd edib.

Onun sözlərinə görə, həm mikrokreditlərə, həm də iri layihələrə olan tələbatlar daxil olmaqla, ölkənin aqrar sektorunun maliyyə resurslarına olan tələbatını qiymətləndirən zaman müxtəlif sektorlar nəzərə alınıb.

"Aqrarkredit"in əsas səhmdarı kredit təşkilatının 99,9 faizlik səhmlərinə malik Azərbaycan Maliyyə Nazirliyidir. Qalanı isə "Azərsığorta" Dövlət Sığorta Şirkəti və "Meliorasiya və su təsərrüfatı" ASC arasında bərabər bölüşdürülüb. 2011-ci il yanvarın 1-nə olan vəziyyətə görə, Dövlət BOKT-un nizamnamə kapitalı 18,5 milyon manat, aktivləri 26,6 milyon manat, kredit portfeli 16,9 milyon manat təşkil edir.

Xəbər lenti

Xəbər lenti